అత్తారింటికి దారేది సినిమాలో రాజమౌళి కారు

పవన్ కళ్యాన్ అత్తారింటికి దారేది సినిమాలో ఒక తెల్ల కారు హీరో వెనుకే వుండటం చాలామంది చూసే వుంటారు. చాలా సీన్లలో తరుచుగా కనిపించే ఈ కారు దర్శకుడు రాజమౌళిదట. కొంతమంది సినీ ఔత్సాహికులు రిజిస్ట్రేషన్ నంబర్ (AP9 CM 1122) ను RTO వెబ్సైట్ లో పరిశీలించగా అది రాజమౌళి పేరుతో రిజిస్ట్రేషన్ అయినట్లు తేలింది. ఇలా రాజమౌళి కారును అత్తారింటికి దారేది సినిమాలో వాడుకోవడం వెనుక నిర్మాత బివిఎస్ఎన్ ప్రసాద్ కారణమై ఉండవచ్చని అనుకుంటున్నారు. 
ఛత్రపతి సినిమాకి నిర్మాతగా వ్యవహరించిన ఈ ప్రసాద్ కి రాజమౌళితో మంచి అనుబంధం ఉండటంతో అయన కారును తమ సినిమాలో వాడుకోవడం జరిగిందని సమాచారం.     

రాజమౌళి అలా కూడా చేస్తాడా?

టాలీవుడ్ అమరశిల్పి రాజమౌళి ఒక  సినిమా గనుక మొదలుపెడితే అది పూర్తయ్యే వరకూ వేరే విషయాన్ని పట్టించుకోడనే సంగతి తెలిసిందే. అయితే ఇలాంటి రాజమౌళి పై టాలీవుడ్ లో ఒక రూమర్ స్ప్రెడ్ అయింది. ప్రస్తుతం ప్రభాస్ హీరోగా భారీ బడ్జెట్ తో తెరకెక్కుతున్న బాహుబలి సినిమా పూర్తి కావడానికి రెండు సంవత్సరాలకు పైగా సమయం పట్టే అవకాశం ఉండటంతో, రాజమౌళి ఒక అనూహ్య నిర్ణయం తీసుకున్నాడట. అదేమిటంటే ఈ సమయంలో బాహుబలి తోపాటు ఒక చిన్న సినిమాను తెరకెక్కించబోతున్నారనేది ఈ రూమర్. అది కూడా మలయాళీ భామ నిత్యా మీనన్ తోనే తియ్యాలని డిసైడ్ అయ్యాడట రాజమౌళి. అయితే ఈ స్టార్ దర్శకుడు నిజంగా ఇలాంటి నిర్ణయం తీసుకున్నాడా లేదా అనేది తెలియాల్సి వుంది. 

డ్రంక్ అండ్ డ్రైవ్ కేసులో కోర్టు బోనెక్కనున్న నటుడు

పోలీసులు ఎంతగా తనిఖీలు చేస్తున్నా డ్రంక్ అండ్ డ్రైవ్ చేస్తూ వీరికి చిక్కే ప్రముఖుల జాబితా మాత్రం రోజు రోజుకూ పెరుగుతుంది. ఇంతకు ముందు హీరో నిఖిల్, నవదీప్ ల లాగానే డ్రంక్ అండ్ డ్రైవ్ కేసులో మీడియాకు చిక్కాడు నటుడు రాజా రవీంద్ర. బంజారా హిల్స్ లో మొన్న రాత్రి 11. 30 సమయంలో తనిఖీలు చేస్తున్న పోలీసులు AP 20 ap 1111 స్కోడా కారులో వస్తున్న రాజా రవీంద్రను పరీక్ష చెయ్యగా, మోతాదుకు మించి ఆల్కాహాల్ తీసుకున్నట్లు రుజువు కావడంతో కేసు నమోదు చేశారు. ఈయన్ని మంగళవారం కోర్టుకు హాజరు కావాలని ఆదేశించారు సిటీ పోలీసులు.  

డ్రంక్ అండ్ డ్రైవ్ కేసులో దొరికిన యాంకరమ్మ

 ఈ మధ్యన హైదరాబాద్ లో డ్రంక్ అండ్ డ్రైవ్ చేసే వారిపై పోలీసులు ఉక్కుపాదం మోపుతున్న సంగతి తెలిసిందే. దానికి తగ్గట్లే కోర్టులు కూడా జైలు శిక్షలు విధిస్తుండటంతో వీలైనంతవరకూ వీరికి దొరకకుండా ఉండటానికి ప్రయత్నిస్తున్నారు మద్యప్రియులు. ఇక సెలబ్రిటీల సంగతి అయితే చెప్పనక్కర్లేదు. పోలీసు బీట్ లు ఉండని రహదారులను ఎన్నుకుని మరీ తమ సరదాలను తీర్చుకుంటున్నారు. ఇలాగే ఒక టాలీవుడ్ యాంకరమ్మ చిత్తుగా మద్యం తాగి స్నేహితులతో కలిసి కారు డ్రైవ్ చేస్తూ పోలీసులకు పట్టుబడింది.  ఈ పొడుగు యాంకరమ్మను గుర్తించిన పోలీసులు మీడియాకు సమాచారం అందించేందుకు ప్రయత్నించగా, వద్దంటూ వారిని బ్రతిమాలి ఫైన్ చెల్లించి అక్కడినుంచి జారుకుందట. ఈ విధంగా జానపద పాటలను అవలీలగా పాడగల ఈ యాంకర్ కెమేరాల కంటపడకుండా తప్పించుకోగలిగింది.