నందమూరి హరికృష్ణ కుమారుడు జానకీరామ్ దుర్మరణం---ఫ్లాష్ న్యూస్

నల్గొండ జిల్లా మునగాల మండలం ఆకుపాముల దగ్గర జరిగిన రోడ్డు ప్రమాదంలో హరికృష్ణ కుమారుడు జానకీరామ్ మరణించారు. ఈయన ప్రయాణిస్తున్న టాటా సఫారీ వాహనం ఒక ట్రాక్టర్ ను డీకొనడంతో ఈ ప్రమాదం జరిగింది.  ఈయన హైదరాబాద్ నుంచి విజయవాడ వెళ్తుండగా ఈ ఘటన జరిగినట్లు సమాచారం. 

బాలకృష్ణ వీర 'మాస్'

నందమూరి బాలకృష్ణ నూతన దర్శకుడు సత్యదేవ్ కాంబినేషన్ లో వస్తున్న చిత్రం ఫస్ట్ లుక్ ఫొటో విడుదలయ్యింది. గళ్ళ లుంగీ దానికి తగ్గ షర్ట్  వేసుకుని వున్న ఈ చిత్రం బాలయ్యది పక్కా మాస్ క్యారెక్టర్ అని తెలియచెప్పే విధంగా వుంది. అయితే లుక్ ఇంత మాస్ గా వున్నా బాలయ్య మాత్రం ఈ సినిమాలో పవర్ ఫుల్ సీబిఐ అధికారిగా నటిస్తున్నాడట. 
బాలయ్య సరసన త్రిష, రాధికా ఆప్టే లు అలరించనున్నారు. ప్రస్తుతానికి అరవై శాతం వరకూ షూటింగ్ పూర్తి చేసుకున్న ఈ సినిమా 2015 ఫిబ్రవరిలో విడుదల కానుంది. 

రేణు దేశాయ్ బర్త్ డే స్పెషల్ ఇంటర్వ్యూ

పవర్ స్టార్ పవన్ కళ్యాన్ మాజీ భార్య అయిన రేణు దేశాయ్ తన పుట్టినరోజు సందర్భంగా ఒక వీడియో ఇంటర్వ్యూ ఇచ్చింది. అందులో తన పై వచ్చిన ఆరోపణలకు సమాధానం చెప్పడం జరిగింది. ఆ వీడియో మీ కోసం..

మహేష్-సమంత-త్రివిక్రమ్ ల స్కిట్

వైజాగ్ హుద్ హుద్ తుఫాను భాధితుల కోసం సినీ ఇండస్ట్రీ మేము సైతం అనే ఫండ్ రైజింగ్ ఈవెంట్ ను చేస్తున్న సంగతి తెలిసిందే. ఈ నెల 30న జరగనున్న ఈ ఈవెంట్ లో మహేష్-సమంత-త్రివిక్రమ్ లు కలిసి ఒక స్కిట్ ను రెడీ చేశారంట. ఈ మొత్తం వ్యవహారం చాలా సీక్రెట్ గా జరుగుతుండటంతో అదెలా ఉంటుందనేది బయటకు రావడం లేదు. పవన్ కళ్యాన్ అత్తారింటికి దారేది సినిమాలోని అహల్య సీన్ ప్రేక్షకులను ఎంతగానో అలరించింది. ఇలాంటి స్కిట్ ల లో తనకంటూ ప్రత్యేకమైన శైలి వున్న త్రివిక్రమ్ ఆ ఈవెంట్ లో ఎలా రక్తి కట్టిస్తాడనేది వేచి చూడాల్సిందే. 

టైటిల్ పెట్టని నాగ చైతన్య సినిమా టీజర్

డిస్కో శాంతి కి సీరియస్!

దివంగత హీరో శ్రీహరి భార్య డిస్కో శాంతి తీవ్ర అస్వస్థతో భాద పడుతున్నట్లు సమాచారం. భర్త శ్రీహరి మరణం తరువాత దిగులుతో ఉంటున్న ఈమె లివర్ వ్యాధితో భాధ పడుతున్నారట. ప్రస్తుతం ఈమె సింగపూర్ లోని ఒక ఆసుపత్రిలో చికిత్స పొందుతున్నారు. శ్రీహరి మరణం తరువాత ఆమె ఆరోగ్యం మరింత దిగజారడంతో చెన్నై, హైదరాబాద్ లలోని హాస్పటల్స్ లో చూపించడం జరిగింది. 
అయినా ఆమె కోలుకోకపోవడంతో సింగపూర్ లోని ఒక ఆసుపత్రికి తరలించడం జరిగింది. ప్రస్తుతం ఈమె ఆలనా పాలనా సోదరి లలిత కుమారి చూసుకుంటున్నారు. శ్రీహరి, శాంతి దంపతులకు ఇద్దరు కొడుకులున్న సంగతి తెలిసిందే. 

హీరోయిన్ ను ముంచేస్తున్న హీరో ?

ప్రస్తుతం సౌత్ లో ఆమె ఒక టాప్ హీరోయిన్! అయితే చాలా మంది అగ్ర కధానాయికలలాగే ఈమె కూడా ఒక హీరో ఉచ్చులో చిక్కుకుంది. యంగ్ గా కనిపించే నలభై ఏళ్ళ సదరు హీరో ఇప్పటికే రెండు పెళ్ళిళ్ళు చేసుకుని ప్రస్తుతం ఈమెను తగులుకున్నాడని ఇండస్ట్రీ టాక్. వీళ్ళిద్దరూ ఎప్పుడో పెళ్లి కూడా చేసేసుకున్నా ఆ విషయాన్ని సీక్రెట్ గా ఉంచుతున్నారట. ఈ పెళ్లి విషయమై ఇండస్ట్రీలో అందరూ గుసగుసలాడుకుంటున్నా, వీరిద్దరూ వాటిని ఏ మాత్రం పట్టించుకోకుండా ఎంజాయ్ చేసేస్తున్నారు. 

ప్రస్తుతం ఈ టాప్ హీరోయిన్ దగ్గరున్న కోట్ల రూపాయల ఆస్తుల్ని ఖర్చు పెట్టించే పనిలో ఉన్నాడట సదరు హీరో. ఈమెకు కష్టార్జితాన్ని పది కోట్ల రూపాయలను ఒక సినిమాలో ఇన్వెస్ట్ చేయించాడట. ఆ సినిమా కాస్తా ఫట్ మని పేలిపోయింది. అయినా ఈ  హీరొయిన్ కి మాత్రం జ్ఞానోదయం కలగలేదని ఇండస్ట్రీ వర్గాలు జోకులు వేసుకుంటున్నాయి. 

ఎవరి ఆనందం వారిది!

'ఆగడు' లో శృతి హాసన్ ఐటమ్ సాంగ్ ఫస్ట్ లుక్

ప్రిన్స్ మహేష్ బాబు హీరోగా శ్రీను వైట్ల దర్శకత్వంలో తెరకెక్కిన ఆగడు సినిమాలో సౌత్ బ్యూటీ శృతి హాసన్ ఒక ఐటమ్ సాంగ్ లో నర్తించిన సంగతి తెలిసిందే. ఈ స్టిల్ ని ఈ రోజు విడుదల చెయ్యడం జరిగింది. మొదటిసారిగా శృతి ఒక తెలుగు సినిమాకోసం పాట పాడి మరీ ఐటమ్ సాంగ్ లో నర్తించింది. 'జంక్షన్ లో' అంటూ సాగే ఈ పాటని రామోజీ ఫిల్మ్ సిటీతో పాటు హైదరాబాద్ లో చిత్రీకరించారు. 

తప్పు చేశానంటున్న పోర్న్ స్టార్

ఇండో-కెనడియన్ పోర్న్ స్టార్ సన్నీ లియోన్ తప్పు చేశానంటూ లెంపలు వేసుకుంటుంది. విదేశాల్లో పుట్టిపెరిగిన ఈమె, తెలిసీ తెలియని వయసులో నీలి చిత్రాల్లో నటించడం మొదలు పెట్టింది. సొంత మొగుడితోనే ఆ చిత్రాల్లో నటించిన సన్నీ అలా చేసుండకూడదని ఇప్పుడు తీరిగ్గా వాపోతుంది. 
నాలుగు గదుల మధ్య చేయాల్సిన శృంగారాన్ని బహిరంగపరచడం మంచిది కాదని ఇప్పుడు తెలిసొచ్చింది. తనలో భారతీయ మూలాలు ఉండబట్టే ఈ విషయాన్ని ఇప్పుడు నిజాయితీగా ఒప్పుకున్నానని చెబుతోంది ఈ అమ్మడు. ప్రస్తుతం సినిమాల వల్ల ఇంత పేరొస్తుందని ముందే తెలిసుంటే ఆ దారిలో వెళ్లక పోయేదట సన్నీ లియోన్.  

మంచు లక్ష్మి బెల్లంకొండ మధ్య 'రభస'

బెల్లంకొండ సురేష్, జూనియర్ ఎన్టీఆర్ హీరోగా 'రభస' సినిమాని తెరకెక్కించిన సంగతి తెలిసిందే. అయితే ఈ సినిమా ప్రస్తుతం మంచు లక్ష్మి - సురేష్ ల మధ్య గొడవకు దారి తీసింది. విషయం ఏమిటంటే మంచు లక్ష్మి ఇంతకు ముందు నిర్మించిన 'ఊ కొడతారా ఉలిక్కిపడతారా' సినిమా సెట్ ని రభస సినిమా కోసం ఉపయోగించుకున్నారు. దీనికిగాను 58 లక్షలు ఇచ్చేందుకు ఒప్పందం కూడా చేసుకున్నారు. 
అయితే బెల్లంకొండ మాత్రం ఈ మొత్తాన్ని చెల్లించక పోవడంతో మంచు లక్ష్మి మనుషులు బెల్లంకొండ ఆఫీస్ వద్ద ఆందోళన చేపట్టారు. ఈ వివాదం కాస్తా పోలీసుల వద్దకు చేరింది. బెల్లంకొండ మాత్రం తను గతంలో విష్ణు హీరోగా సినిమా చెయ్యడానికి అడ్వాన్సు ఇచ్చివున్నానని, దాంట్లో మినహాయించుకొవాలని చెప్పడం జరిగిందని అంటున్నాడు. 
ఈ విధంగా 'రభస' సినిమా వివాదానికి కారణమయ్యింది. 

అల్లు అరవింద్ ఫ్యామిలీలో బెల్లంకొండ హీరో చిచ్చు?

టాలీవుడ్ లో ఒక రేంజ్ నిర్మాతగా వెలుగొందుతున్న బెల్లంకొండ సురేష్ తన కొడుకు సినిమాకి కల్లుచెదిరే రీతిలో ఖర్చు పెట్టిన సంగతి తెలిసిందే. ఈ సినిమాకి ప్రస్తుతం మార్కెట్లో ఒక్కో టెక్నీషియన్ కి ఇచ్చే పారితోషికం కంటే ఎక్కువే ఇచ్చి పని చేయించుకున్నాడు. 
ఈ సినిమాకి ముప్పై కోట్ల రూపాయలు దాటే ఖర్చయ్యిందని వినికిడి. అయితే అల్లు అరవింద్ తనయుడు శిరీష్ మాత్రం ఈ విషయం మీద తన తండ్రిపై అసంతృప్తిగా ఉన్నాడట. ఒక టాలీవుడ్ టాప్ నిర్మాత అయి వుండి కూడా తనను 'గౌరవం' లాంటి లో బడ్జెట్ సినిమాతో లాంచ్ చెయ్యడం పై  అసంతృప్తి వ్యక్తం చేస్తున్నాడని టాలీవుడ్ టాక్. 

సమంత కు చాలా బలముంది!

సోషల్ నెట్వర్క్ సైట్లలో ఎక్కువ యాక్టీవ్ గా ఉండే టాలీవుడ్ తారలలో సమంత ఒకరు. ఒక సినిమా సెట్ లో సమంత తనకు చాలా బలముందని చెప్పడానికి ఏకంగా మగ మనిషినే ఎత్తేసింది.   

క్రిస్టియన్ గా మారిన టాలీవుడ్ స్టార్ హీరో!

టాలీవుడ్ స్టార్ హీరో ఒకరు క్రిస్టియన్ గా మారాడన్న వార్త ఇప్పుడు ఫిల్మ్ నగర్ లో చక్కర్లు కొడుతుంది. ఆరడుగుల ఆజానుబాహుడైన ఈ హీరో ప్రస్తుతం ఒక భారీ ప్రాజెక్ట్ లో తలమునకలై వున్నాడు. అయితే ఈ హీరో ఇలా మతం మారడం వెనుక పర్శనల్ లైఫ్ లో వచ్చిన ఒడిదుడుకులే కారణమని తెలుస్తోంది. ఆ హీరో సన్నితులు మాత్రం ఈ విషయం పై పెదవి విప్పడానికి ఇష్టపడటం లేదు. మతానికీ కళలకూ ఏమాత్రం సంభంధం లేకున్నా గాని ఆ హీరోకి వచ్చిన ఒడిదుడుకుల ఏమై ఉంటాయా అని ఆరా తీస్తున్నారు ఫిల్మ్ నగర్ జనం. 

యాంకర్ సుమ నోటి దురుసు!

ప్రస్తుతం బుల్లి తెరపై స్టార్ యాంకర్ గా వెలుగొందుతున్న సుమ మాటల మరాఠీ అన్న సంగతి తెలిసిందే. అయితే తెరపై మాత్రం చాలా వరకూ ఆమె నోటిని అదుపులో ఉంచుకుని మాట్లాడుతుంది. అయినా ఒక్కోసారి ఆమె ఇచ్చే పంచ్ లకు ఎదుటివారి దగ్గర జవాబు కూడా వుండదు. ఇదంతా చెప్పడానికి కారణం మొన్నీ మధ్యన జరిగిన ఒక సంఘటనే. 

ఇటీవల జరిగిన ఒక ఆడియో ఫంక్షన్ లో కొత్త హిందీ హీరోయిన్ ని స్టేజ్ మీదకి ఆహ్వానించే క్రమంలో తనదైన శైలిలో పంచ్ లను విసిరింది. వీటికి ఆ సదరు హీరోయిన్ మాత్రం సిగ్గుని నటించింది. అయినా సుమ వదలకుండా మీ హిందీ వాళ్లకి సిగ్గు కూడా పడతారా అంటూ మాట్లాడటం ఆ హీరోయిన్ కి కోపం తెప్పించింది. 
ఆ తరువాత మేకప్ రూమ్ లో హీరోయిన్ సుమను 'మైండ్ యువర్ టంగ్' అని హెచ్చరించడంతో సుమ కోపంతో ఆమెను నానా మాటలూ అన్నదని సమాచారం. ఈ తిట్ల భాగోతమంతా అక్కడే వున్న మేకప్ మెన్ ద్వారా బయటకు పొక్కింది.  

తీరు మారని గుణ శేఖర్...

ఒకప్పుడు స్టార్ దర్శకుడిగా పేరు తెచ్చుకుని ఒక వెలుగు వెలిగిన దర్శకుడు గుణ శేఖర్ గురుంచి తెలిసిందే. అవసరం వున్నా లేకపోయినా భారీ సెట్ లు, గ్రాఫిక్స్ వాడి నిర్మాత డబ్బుని మంచి నీళ్ళలా ఖర్చు పెట్టించడంలో గుణ శేఖర్ సిద్దహస్తుడు. ప్రస్తుతం అనుష్క తో రుద్రమదేవి అనే సినిమాను తెరకెక్కిస్తున్న సంగతి తెలిసిందే. ఈ సినిమాలో అనుష్క ధరించే నగలను ఒరిజినల్ బంగారంతో రూపొందిస్తున్నారట. 

తన సినిమాలలో భారీ సెట్ లు వేసి అందులో కమీషన్ వసూలు చేసే వాడన్న పేరు టాలీవుడ్ లో రావడంతో గుణశేఖర్ తో సినిమాలు చెయ్యడానికి నిర్మాతలు ముందుకు రావడం మానేశారు. ఇప్పుడు ఈ దర్శకుడి చూపు బంగారం పై పడినట్లుంది. ఈ సినిమా అయినా హిట్ అయితే గుణశేఖర్ మళ్ళీ స్టార్ దర్శకుడిగా మారే అవకాశం వుంది. 

కమల్ కూతురితో అఖిల్

టాలీవుడ్ మన్మధుడు నాగార్జున తనయుడైన అఖిల్ సినీ రంగ ప్రవేశం గురుంచి అనేక గాసిప్స్ ప్రచారంలో వున్న సంగతి తెలిసిందే. అయితే తెర వెనుక మాత్రం అఖిల్ రంగ ప్రవేశానికి కావాల్సిన ఏర్పాట్లు చక చకా జరిగిపోతున్నాయి. ఇప్పటికే రెండు కధలను కూడా ఎంపిక చేసారట. దర్శకుడు ఎవరనేది కూడా ఫైనలైజ్ అయిపోయిన ఈ ప్రాజెక్ట్ లో కమల్ హసన్ రెండో కూతురు అక్షరను హీరోయిన్ గా అనుకుంటున్నారని సమాచారం. ఈ ఆఫర్ కి కమల్ కుటుంబం ఒప్పుకుందా లేదా అనేది మాత్రం ఇంకా తెలియరాలేదు.